د روغتیايي خدمتونو وړاندې کولو مرستیال کاپیسا ولایت ته د خپل رسمي سفر په لړ کې د ولایتي روغتون له خدمتونو لیدنه ترسره کړه
د افغانستان اسلامي امارت د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني او ورسره مل پلاوي کاپیسا ولایت ته د خپل رسمي سفر په لړ کې د ولایتي روغتون له خدمتونو لیدنه ترسره کړه
د روغتیايي خدمتونو وړاندې کولو مرستیال، ښاغلي مولوي عبدالولي حقاني د یاد روغتون بېلابېلو څانګو څخه د نږدې لیدنې ترڅنګ د روغتون له مسؤلینو او کارکوونکو سره ناسته ترسره کړه.
په دغه ناسته کې د کاپیسا ولایتي روغتون کارکوونکو د معاشاتو، ظرفیت لوړولو په موخه د روزنیز برنامو او تشکیل د زیاتوالي برخو کې خپل وړاندیزونه شریک او ورته د رسېدلو غوښتنه یې وکړه.
ښاغلي مرستیال د یاد روغتون د کارکونکو له لوري ترسره شوي خدمات وستایل او ډاډ یې څرګند کړ، چې د روغتیايي کارکوونکو وړاندیزونو ته به بشپړه رسېدنه کوي.
