په ننګرهار کې د ډینګي ناروغۍ د کنټرول او مخنیوي فعالیتونه وارزول شول
د عامې روغتیا وزارت رهبرۍ د لارښوونې پر اساس د ملاریا او نورو ناقله ناروغیو آمر، ډاکټر حزبالله فطرت په مشرۍ ټاکل شوې کمېټې د ننګرهار عامې روغتیا رئیس، مولوي امین الله شریف او د تطبیق کوونکو مؤسسو له استازو سره د ډینګي ناروغۍ د وضعیت او ترسره شویو فعالیتونو په اړه غونډه تر سره کړه.
په دې غونډه کې د ډینګي ناروغۍ د کنټرول په برخه کې د ترسره شویو اقداماتو راپور وړاندې شو، د مسؤلینو کړنې وستایل شوې او د لا ښه چمتووالي او ځواب وینې په موخه اړینې سپارښتنې وشوې. همدارنګه، د عامه پوهاوي د فعالیتونو پر پیاوړتیا او روغتیايي مرکزونو ته د درملو او تشخیصیه موادو پر وخت اکمال باندې ټینګار وشو.
