د عامې روغتیا وزارت د مالي او اداري چارو مرستیال د دغه وزارت د تدارکاتو ریاست له کارکوونکو سره ناسته وکړه
د عامې روغتیا وزارت د مالي او اداري چارو مرستیال ښاغلي قاري عبدالولي صدیقي د دغه وزارت د تدارکاتو رئیس مولوي عبدالقدیر نذیر او د ياد ریاست له کارکوونکو سره په ناسته کې د کاري چارو ښهوالي، همغږۍ او ستونزو ته د رسېدنې په اړه بحث او خبرې وکړې.
ښاغلي مرستیال د بوديجې پر شفاف لګښت، سپما، د چارو پر منظم تعقیب او د دندو په ترسره کولو کې پر رښتینولۍ ټینګار وکړ او په دې برخه کې یې اړینې لارښوونې وکړې.
همدارنګه، د تدارکاتو ریاست رئیس د چارو په ترسره کولو کې پر جديت، ستونزو ته پر رسېدنې، د اصولو او مقرراتو پر رعایت، د تدارکاتي بهیر پر روڼتیا او د دندو په ترسره کولو کې د هر ډول غفلت پر مخنیوي ټینګار وکړ.
د دې ناستې په پای کې د تدارکاتو ریاست کارکوونکو خپلې ستونزې او وړاندیزونه هم مطرح کړل، چې په اړه یې بحث او د حل لارو په موخه يې نظرونو شريک شول.
