په کاپیسا کې له ۲۰۰ بستریز ولایتي روغتون او یو شمېر خصوصي درملتونونو څخه نظارت ترسره شو
د کاپیسا ولایت عامې روغتیا ریاست نظارتي ټیم له لوري د ۲۰۰ بستریز ولایتي روغتون له بېلابېلو څانګو څخه نظارت ترسره شو، چې په ترڅ کې یې د روغتیايي کارکوونکو حضور، د درملو او طبي تجهیزاتو شتون او ناروغانو ته د روغتیايي خدمتونو وړاندې کولو بهير وکتل شو.
همدارنګه، د دې ولایت په مرکز کې د یو شمېر درملتونونو فعالیتونه هم وڅارل شول، چې پایله کې یې شته ستونزې په نښه او اړوندو مسؤلینو ته د اصلاح او روغتیايي خدمتونو د کیفیت ښه والي په موخه جدي سپارښتنې وشوې.
