هوايې ډګرونو کې د خصوصي لابراتوارونو له خوا د کرونا ټستونو (Abbott ID Now په نوم Rapid Molecular Diagnostic) ترسره کولو لپاره د ازاد رقابت خبرتيا
Publish Date
Closing Date
پيژندنه
څرنګه چې ټولو هيوادونو ته د بهرنې سفر لپاره د کرونا ټسټ سرټيفيکيټ لازمي دی او د کرونا د ټسټ ترسره کولو پرته د سفر اجازه نه ورکول کيږي. همدارنګه د ډيری هيوادونو لپاره د ABBOTT ID NOW په نوم د سريع ماليکور ټيسټ تر سره کول لازمي شوي دي، کوم چې په هوايې ډګرونو کې هيواد والو لپاره د سفر پر وخت مشکلات جوړ کړي دي. په همدې اساس عامې روغتيا وزارت د مسافرينو د مشکلاتو د حل لپاره پريکړه کړې تر څو د ازاد رقابت له لارې مناسب شرکتونه د یو ځانګړی پروسې په ترڅ کی غوره کړي تر څو په ټولو هغه هوایی ډګرونو کی چې بهرني او داخلي پروازونه په کې ترسره کيږي د مسافرینو لپاره د کرونا ټسټونو ترسره کولو لپاره لابراتوارونه جوړ کړي. یاد شوي لابراتراوارونو ته په هوایی ډګرونو کی د یو ځانګړی لایحی مطابق د فعالیت اجازه ورکول کیږي کوم کې چې قيمت، کیفیت ، سټنډرډ او په کم وخت کې د ټسټ اجرا کولو وړتیا په نظر کې نیول کیږي.
ټول هغه لابراتوارونه چې په لاندې شرایطو برابر وي کولی شي چې خپل درخواست لیک سره د اړینو اسنادو د آزاد رقابت لپاره لاندې ذکر شوي ایمیل آدرس ته ولیږي:
ددندې تګ لاره
- لابرتوارونه به په هوايې ډګرونو کې د عامې روغتيا وزارت د اصولو مطابق پانګونه کوي.
- لابراتوارونه به د مسافرينو لپاره تم ځای جوړوي او د مسافرينو څخه به د ټسټ لپاره نمونې اخلي.
- مسافرينو لپاره به د نړيوالو اصولو مطابق د کورونا ټسټونو ټکنالوژي د معتبرو شرکتونو څخه هوايې ډګرونو کې لګول کيږي.
- ټول ټسټونه به په هوايې ډګر کې اخيستل کيږي او د اصولو مطابق به په ځانګړی ټکنالوژی سره هوايې ډګر کې ترسره کيږي.
- مسافرينو ته به په سم کيفيت او پر وخت نتيجه په لاس ورکوي تر څو په سفر کې ورته ستونځه رامنځته نشي.
- د لابراتوار د ضعاياتو د مديريت لپاره به په هوايې ډګر کې يو منظم سسټم جوړوي تر څو ضعايات په سمه توګه راټول او وسوځول شي.
- د ټسټ تر سره کولو لپاره به د عامې روغتيا وزارت د تخنيکي ټيم په هماهنګۍ يو مناسب قيمت غوره کيږي تر څو هيواد والو ته سهولت رامنځ ته شي.
- نور شرايط او اصول به د قراردار پر وخت د يو لايحې او لارښود په ترڅ کې وړاندې کيږي.
اړین اسناد
د لابراتوار معتبر جواز، د کرونا د پی سی آر ټسټ کولو جواز، د تذکری کاپی، مختصر د لابراتوار اړوند معلومات د درخواست په بڼه
ایمیل آدرس: khaliddbiotech@gmail.com
موبايل او وټس اپ شميره: ۰۷۳۰۹۴۰۶۹۵
د اسنادو سپارلو آخری نیټه: ۱۵-قوس-۱۴۰۰
نوټ: پورته ذکر شوي اسناد سره له درخواستي یواځې د ذکر شوي ایمیل له لارې د قبول وړدي.