د عامې روغتیا وزارت په ایمرجنسي روغتونونو کې د تخصصي زده کړو په موخه د ټریني ډاکټرانو څخه ازموینه واخیستل شوه
یاده ازموینه د عامې روغتیا وزارت د اکمال تخصص ریاست او ایمرجنسي روغتونونو د مسؤلینو په شتون کې له ۲۸ تنه نارینه او ښځینه ډاکټرانو څخه، چې د ازموینې ملي کمېټې له لوري دې برنامې ته ورپېژندل شوي وو د جراحۍ، پوستکي او انستیزي په څانګو کې واخیستل شوه.
په پام کې ده، چې د یادې ازموینې دپایلو له اعلان وروسته به هغه ګډونوال، چې لوړې نمرې یې ترلاسه کړي د هلمند او کابل ایمرجنسي روغتونونو ته د تخصصي زده کړو په موخه وروپېژندل شي.
