د عامې روغتیا وزارت مرستیال د اندراګاندي ماشومانو روغتون د خدماتو بهیر وڅېړ
د عامې روغتیا وزارت د روغتیایي خدماتو وړاندې کولو مرستیال، ښاغلي مولوي عبدالولي حقاني او مل پلاوي په اندراګاندي د ماشومانو درملنې روغتون کې د وړاندې کېدونکو روغتیايي خدماتو له بهیر څخه لیدنه وکړه
د روغتیایي خدماتو وړاندې کولو مرستیال د دغې لیدنې په ترڅ کې روغتیايي کارکوونکو ته لازمې لارښوونې وکړې، چې د ناروغانو د ستونزو په حل او د روغتیایي خدماتو کیفیت لوړولو کې لا زیاتې هڅې ترسره کړي.
ښاغلي مرستیال ټینګار وکړ، هر روغتیايي کارکوونکی مکلف دی، چې خپل ایماني او وجداني مسؤلیت په غوره ډول اداء کړي او ترې ویې وغوښتل، خپلې دندې په بشپړ صداقت سره ترسره کړئ.
همدارنګه، د روغتیایي خدمتونو وړاندې کولو مرستیال له ناروغانو او اړوند مراجعینو سره هم لیدنه وکړه او د هغوی د شکایتونو او د رضایت کچې په اړه یې معلومات ترلاسه کړل؛ ترڅو ناروغانو ته خدمات په غوره شکل وړاندې شي.
