د عامې روغتیا وزارت د څارنې او پلټنې لوی رئیس، مفتي عبدالقدوس هاشمي په مشرۍ د ګډ نظارتي چک لېست د تطبیق په موخه ناسته ترسره شوه
په دې ناسته کې چې د اړوندو ریاستونو مسؤلینو، تخنیکي او مسلکي استازو شتون درلود، د ګډ نظارتي چک لېست غوره تطبیق، د لا زیات شفافیت تامین، د چک لېست اغېزمنتیا، دقت او همغږۍ پیاوړتیا په اړه بحث او خبرې ترسره شوې. یاد چک لېست چې تر دې وړاندې یې هر اړخیزه بیا کتنه شوې وه، د معیاري کولو په موخه په کې اړین تعدیلات او اصلاحات رامنځته شوي وو او د روغتیا وزارت مقام له لوري تائید شوی هم دی.
د څارنې او پلټنې لوی رئیس وویل: د ګډو نظارتي فعالیتونو موخه د اصلاحاتو عملي کول دي او ټینګار یې وکړ، چې د ګډ نظارت کمېټه به له دې وروسته خپلې چارې په لا زیات شفافیت، مؤثریت، دقت، همغږۍ او له مسؤلیت سره سمې پر مخ وړي.
