جوزجان ولایت کې ۲.۸ ټنه له نېټې تېر خوراکي توکي او درمل له منځه یوړل شول
د جوزجان ولایت د عامې روغتیا ریاست د څارنې ټیمونو د روان کال د درېیمې ربعي په ترڅ کې د دغه ولایت په مردیان ولسوالۍ کې د ټاکل شوې کمېټې په مرسته ۲.۸ ټنه له نېټې تېر خوراکي توکي او درمل راټول کړل، چې ارزښت یې نږدې ۵۰۰ زره افغانۍ ته رسېږي او د یادې کمېټې د غړو په شتون کې له منځه یوړل شول.
د جوزجان ولایت د عامې روغتیا رئیس، قاري سید ذبیحالله حسیني په مردیان ولسوالۍ کې د ټاکل شوې کمېټې له فعالیتونو څخه قدرداني څرګنده او زیاته یې کړه، چې د روغتیا سکتور په برخه کې به د ا.ا لومړیتوبونه په عملي ډول پلي کړي.
