په جوزجان او سرپل کې د روغتیايي خدمتونو وړاندې کولو لپاره له SCI سره د ۹۰۳ زره ډالرو هوکړهلیک لاسلیک شو
د عامې روغتیا وزارت له لوري جوزجان او سرپل ولایتونو کې د روغتیايي خدمتونو وړاندې کولو په موخه له Save the Children International-SCI مؤسسې سره د (۹۰۳۰۹۱) نهه سوه درې زره یو نوي ډالرو په ارزښت هوکړه لیک لاسليک شو
دا هوکړه لیک د روغتيايي خدمتونو کيفيت لوړولو، لاسرسي زياتولو او د ولس روغتيايي ستونزو کمولو په موخه د یو کال لپاره لاسليک شو، چې له مخې به یې د ۵ روغتيايي مرکزونو او یو ګرځنده روغتیايي ټیم له لارې د یادو ولایتونو (۵۱۰۰۰) تنه اوسېدونکي له روغتیايي خدماتو برخمن او (۸۳) تنو ته به روغتیايي برخه کې د کار زمینه برابره شي.
بل لور، د SCI مؤسسې استازو هم ډاډ څرګند کړ، چې ياده پروژه به د یو کال په ترڅ کې له ټولو ټاکل شويو معيارونو سره سمه پلي کړي او د خلکو روغتيايي اړتیاوو پوره کولو ته به ځانګړې پاملرنه کوي.
