معین عرضه خدمات صحی در یک سفر رسمی به ولایت کاپیسا از ارایه خدمات صحی شفاخانه ولایتی این ولایت دیدارکرد

محترم مولوی عبدالولی حقانی معین عرضه خدمات صحی وزارت صحت‌عامه امارت اسلامی افغانستان و هیآت همراه شان در یک سفر رسمی به ولایت کاپیسا از ارایه خدمات صحی شفاخانه ولایتی این ولایت دیدارکرد.

محترم مولوی عبدالولی حقانی معین عرضه خدمات صحی، ضمن بازدید از بخش‌های مختلف شفاخانه ولایتی با مسوولان و کارکنان صحی این شفاخانه نیز دیدار و گفتگو کرد.

در این نشست کارمندان صحی شفاخانه ولایتی کاپیسا پیشنهادات خود را در مورد معاشات، ظرفیت سازی، برنامه های آموزشی و ازدیاد تشکیل به اشتراک گذاشته و خواهان رسیده گی به آنان گردیدند.

محترم معین عرضه خدمات صحی، از خدمات کارمندان صحی شفاخانه ولایتی قدردانی نموده و اطمینان داد که به پیشنهادات کارمندان صحی رسیده گی خواهند شد.