د تخار ولایت خواجه غار ولسوالۍ کې روغتیایي مرکزونو سره د یو اعشاریه دوه میلیونه افغانیو په ارزښت د درملو مرسته شوه
دغه مرسته د تخار عامې روغتیا ریاست له لوري د AKF مؤسسې په همکارۍ وشوه او مرسته شوي درمل د یادې ولسوالۍ جامع روغتیایي مرکز او د هزار باغ جامع روغتیایي مرکز ته وسپارل شول.
د تخار عامې روغتیا رئیس د یادې مؤسسې له دوامداره همکارۍ څخه مننه وکړه او ویې ویل: دغه درمل به په یادو روغتیایي مرکزونو کې په شفافه ډول مستحقو ناروغانو ته ووېشل شي.
