غور ولایت کې د روغتيايي مرکزونو او فارمسي برخې مسؤلينو ته د (RUD) تر عنوان لاندې پنځهورځنی ښوونیز ورکشاپ ترسره شو
دغه پنځهورځنی ښوونیز ورکشاپ د درملو معقول استعمال (RUD) تر عنوان لاندې د غور ولایت عامې روغتیا ریاست په ابتکار او مدیریت او د BARAN مؤسسې په همکارۍ، په بریالیتوب سره ترسره شو، چې په کې د روغتیایي مرکزونو او فارمسي برخې ۲۷ تنه مسؤلینو ګډون درلود.
د غور ولایت عامې روغتیا رئیس، عبدالواحد حماس د یاد ورکشاپ په ترڅ کې د درملو د سالم مدیریت او معقول استعمال پر اهمیت ټینګار وکړ او ویې ویل، چې د روغتیایي معیارونو رعایت او د خوندي او باکیفیته روغتیایي خدمتونو وړاندې کول د روغتیایي کارکوونکو اساسي مسئولیت دی.
همدارنګه، د BARAN مؤسسې ولایتي دفتر مسؤل د عامې روغتیا ریاست له همکارۍ مننه وکړه او د روغتیایي خدمتونو وړاندې کولو پر مهال یې د مسلکي اصولو پر تطبیق ټینګار وکړ.
نوموړي له ګډونوالو وغوښتل، چې د ورکشاپ په ترڅ کې زده کړي موضوعات له نورو همکارانو سره شریک کړي، هغه ژمنه وکړه چې په راتلونکي کې به هم د روغتیایي کارکوونکو د ظرفیت لوړولو په موخه ورته روزنيزې برنامې تر سره کړي.
