په خاص کونړ کې د زلزلهځپلو لپاره ځانګړی روغتیایي مرکز فعال شو
د کونړ ولایت د خاص کونړ ولسوالۍ په نظامي قرارګاه کې د تېر شدیدې زلزلې له امله زیانمنو شویو لپاره د عاجلو خدماتو وړاندې کولو په موخه یوه ځانګړي روغتیایي مرکز کې خدمات پیل شول
یاد روغتیایي مرکز په ټولو اړینو وسایلو او درملو سمبال دی، چې د روغتیایي خدماتو د وړاندې کولو په موخه ورته له ننګرهار ولایت عامې روغتیا ریاست څخه ځانګړی ۳۰ کسیز ټیم راغلی، چې په کې متخصصین ډاکټر او نرسان شامل دي؛ دغه روغتیایي کارکوونکي به په پوره ژمنتیا، قوي هوډ او اخلاص د غمځپلو هېوادوالو خدمت ته دوام ورکوي.
