د عامې روغتیا وزارت د چاپېریال روغتیا ریاست مسؤلینو له لوري د کابل ولایت په دوولسمه ناحیه کې له یو شمېر رسټورانټونو څخه نظارت ترسره شو
دغه نظارت د خوراکي توکو د کیفیت او حفظ الصحې ارزونې په موخه ترسره شو، چې په ترڅ کې یې د رسټورانټونو مسؤلینو او کارکوونکو ته د حفظ الصحې مراعتولو او روغتيايي کارتونو اخستلو په اړه لازمې سپارښتنې ترسره او معلوماتي پوسټرونه په مناسبو ځایونو کې نصب شول.
دغه راز، د چاپېریال روغتیا ریاست مسؤلینو له لوري د روغتیا خوندیتوب په موخه د بېلابېلو رسټورانټونو کارکوونکو ته د درې ورځني روزنيز ټریننګ له بشپړېدو وروسته تصدیق پاڼې هم ووېشل شوې.
