د روغتیايي خدمتونو وړاندې کولو مرستیال هرات ولایت کې د روږدو ناروغانو درملنې ۱۵۰ بستريز روغتون څخه لیدنه وکړه
د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني او مل پلاوي هرات ولایت ته د سفر په ترڅ کې د روږدو ناروغانو د درملنې ۱۵۰ بستريز روغتون څخه لیدنه وکړه، د روغتیايي کارکوونکو هڅې یې وستایلې او د خدماتو لا ښه والي په اړه یې ورته لازمې سپارښتنې وکړې؛ ترڅو د روږدو ناروغانو غوره درملنه وشي.
ښاغلي مرستیال همداراز، د یاد روغتون د روغتیایي کارکوونکو ستونزې او وړاندیزونه واورېدل او د حل ډاډ یې ورکړ.
