ننګرهار روغتیایي علومو انسټېټیوټ کې د یو میلیون افغانیو په لګښت د علمي کنفرانسونو او غونډو لپاره یو لوی حال پرانیستل شو
په همدې موخه جوړو شویو مراسمو کې د عامې روغتیا رئیس مولوي امین الله شریف، د ننګرهار مرستیال والي عزیزالله مصطفی او د یو شمېر نورو ادارو مسؤلینو ګډون کړی و.
د ننګرهار عامې روغتیا رئیس، په دې برخه کې د ICRC له مالي همکارۍ مننه وکړه او مسؤلینو ته یې د روغتیایي علومو انسټېټيوټ د کیفیت ښه والي ډاډ څرګند او ویې ویل: په وروستیو کې د انسټېټيوټ په کارونو او چارو کې ښه والی راغلی او له دې ځایه فارغ شوي محصلین ښه استعدادونه لري.
د یادونې وړ ده، چې یاد حال د ICRC کمېتې له لوري د یو میلیون افغانیو په مالي مرسته جوړ شوی، چې په یوه وخت کې د ۱۰۰ تنو د ناستې ظرفیت لري.
