د عامې روغتیا وزارت او چارو ادارې د اداري اصلاحاتو او ملکي خدمتونو ریاست ګډې کمېټې ناسته تر سره شوه
د عامې روغتیا وزارت او چارو ادارې د اداري اصلاحاتو او ملکي خدمتونو ریاست ګډې کمېټې له لوري د روغتیا وزارت په اداري چارو کې د ساده شویو پروسو تشریح کولو په موخه ناسته ترسره شوه.
یاده ناسته د عامې روغتیا وزیر ښاغلي مولوي نور جلال جلالي، یو شمېر مرکزي رئیسانو او ګډې کمېټې د غړو په شتون کې ترسره شوه، چې په ترڅ کې یې د یادې کمېټې له لوري ګډونوالو ته د روغتیا وزارت په اداري چارو کې د اصلاح او ساده شویو پروسو اړوند معلومات ورکړل شول.
ښاغلي وزیر، د روغتیا وزارت اداري پروسو اصلاح او ساده کولو برخه کې د اداري اصلاحاتو او ملکي خدمتونو ریاست هڅې وستایلې، ساده شوې پروسې یې تائید او د دې برنامې موخه یې په اداري چارو کې اسانتیا رامنځته کول او مراجعینو ته د غوره خدمتونو وړاندې کول یاد کړل.
د یادونې وړ ده، چې د ګډې کمېټې غړو له لوري د څو میاشتو په ترڅ کې د روغتیا وزارت لسو ریاستونو (۶۱) بېلا بېلې اداري پروسې اصلاح او ساده شوي دي.
