کاپیسا او هلمند ولایتونونو کې له خصوصي روغتیایي سکټور، د خوراکي توکو پلورنځیو او هوټلونو څخه نظارت ترسره شو
یاد نظارت د عامې روغتیا ریاست مسؤلینو له لوري ترسره شو، چې پایله کې یې کاپیسا ولایت کې ۱۱ درملتونونه، ۱۵ روغتیایي کتنځایونه، ۹ بابه د غاښونو کلینیکونه، ۳ بابه حجامه خونې، یو OPD کلینیک او ۷ لابراتوارونه له روغتیایي قوانینو څخه د سرغړونې او قانوني جوازونو نه درلودلو له امله وتړل شول.
دغه راز، هلمند ولایت کې د خوراکي توکو له پلورنځیو او هوټلونو څخه د نظارت پر مهال اړوندو مسؤلینو ته د روغتیایي قوانینو او حفظ الصحې مراعتولو په موخه لازمې سپارښتنې وشوې، ترڅو د خلکو روغتیا خوندي او د ناروغیو مخه ونیول شي.
