د هیواد په یو شمیر ولایتونو کې د خصوصي روغتیایي سکتور څخه نظارت تر سره شو
ننګرهار، نیمروز او پکتیکا ولایتونو کې د خصوصي روغتیايي سکتور څخه د نظارت په پایله کې د یو روغتیايي مرکز سربېره (۱۳) بابه روغتیايي کتنځایونه، لابراتوارونه او درملتونونه د اسنادو نه درلودو او غیر قانوني فعالیتونو له امله وتړل شول.
روغتیايي مسئولینو دغه راز د یادو نظارتونو پرمهال په زیاته اندازه له نېټې تېر او بې کیفیته درمل او طبي وسایل راټول او اړوندو مسئولینو ته د معیاري روغتیايي خدمتونو وړاندې کولو په موخه لازمې سپارښتنې ترسره کړي.
