د ننګرهار ولايت چپرهار ولسوالۍ بشپړ روغتیايي مرکز ته د یوه ملي سوداګر له لوري یو عراده امبولانس وسپارل شو
د ننګرهار عامې روغتیا رئیس، الحاج مولوي امین الله شریف په هڅو د چپرهار ولسوالۍ یو تن ملي سوداګر ښاغلي حاجي عبدالجبار صافي د ۵زره امریکايي ډالرو په لګښت یو عراده امبولانس د یادې ولسوالۍ بشپړ روغتیايي مرکز ته پېرلی و، چې د عامې روغتیا رئیس او نورو مسؤلینو په شتون کې روغتیايي مرکز ته وسپارل شو.
د عامې روغتیا رئیس د یاد سوداګر د دې نېک اقدام ستاینه وکړه او د چپرهار د ډاکټرانو د غوره او ښې انګیزې، چې په ياده سیمه کې یې وړیا روغتيايي کمپ پرانيستی او د ولسوالۍ روغتیا برخې لپاره مرستې جلبوي ستاینه او مننه وکړه.
