د عامې روغتیا وزارت د روغتیایي خدمتونو وړاندې کولو مرستیال، ښاغلي مولوي عبدالولي حقاني او مل تخنیکي ټیم سپین بولدک ته د سفر په ترڅ کې له روغتیایي مراکزو او خدماتو څخه لیدنه وکړه
دغه لیدنه چې موخه یې د بېرته راستنېدونکو هېوادوالو لپاره د غوره روغتیایي خدماتو وړاندې کول او د هغوی روغتیایي ستونزو ته پر وخت رسېدنه وه ، د روغتیایي خدمتونو وړاندې کولو مرستیال، اړوندو مسؤلینو ته د روغتیایي خدماتو د لا ښه والي او پراخوالي په اړه لازمې سپارښتنې وکړې
دغه راز، ښاغلي مرستیال د اغېزمنو روغتیایي خدماتو وړاندې کولو لپاره پر ښې همغږۍ ټینګار وکړ او په سپین بولدک ولسوالۍ کې یې د بېرته راستنېدونکو کډوالو کمپ له روغتیایي مسؤلینو څخه وغوښتل، چې خپلې هڅې لا زیاتې کړئ، تر څو د بېرته راستنېدونکو هېوادوالو روغتیایي ستونزو ته پر وخت رسېدنه وشي.
