د روږدو درملنې ملي برنامې رئیس، مولوي انعامالله عمار او مل پلاوي کندز ولایت ته د سفر په ترڅ کې د دې ولایت د روږدو درملنې له ۸۰ بستریز روغتون څخه لیدنه وکړه
په دې لیدنه کې د یاد روغتون له ټولو برخو څخه هر اړخیز نظارت ترسره او د روغتیايي خدمتونو د وړاندې کولو بهیر، د حفظالصحې اصولو رعایت، د ناروغانو د درملنې کیفیت او د کارکوونکو د ژمنتیا کچه په دقیق ډول وارزول شوه.
همداراز، د ناروغانو روغتیايي دوسیې وکتل شوې او د خدمتونو د کیفیت دوامدار ښه والي پر اړتیا ټینګار وشو.
د دې لیدنې په پای کې د روږدو درملنې ملي برنامې رئیس د یاد روغتون د کارکوونکو له کړنو، هڅو او فعالیتونو څخه خوښي څرګنده کړه او وي ويل: د دې لړۍ دوام به د ژمنتیا، همغږۍ او مسلکي معیارونو د رعایت په رڼا کې د لا زیاتو بریاوو او پرمختګ لامل شي.
