د داوطلبۍ بیاځلې خبرتیا!

د عامې روغتیا وزارت د تدارکاتو ریاست ټولو په شرایطو پوره کوونکو داوطلبانو ته بلنه ورکوي؛ ترڅو د سرطان ناروغۍ د کنټرول ملي برنامې د ارتیا وړ امنیتي او تکنالوژي معلوماتي پروژه چې د پېژندنې شمېره یې   MOPH/GDCM/NCCP/NCB/1403/G014 ده، د داوطلبۍ په پروسه کې یې ګډون وکړي او د شرطپاڼې سافټ کاپي د فلش یا حافظې له لارې ترلاسه کړي، او خپل وړاندیزونه (آفرونه) په شرطپاڼه کې د لیکل شویو شرایطو او د تدارکارتو قانون او طرز العمل سره سم په سرتړلي بڼه د دې اعلان د خپرېدو سره سم  د 27/10/1403 نېټې، د پنجشنبې ورځې د سهار تر لسو بجو پورې د عامې روغتیا وزارت څلورلارې ته څېرمه، د روغتیا وزارت د تدارکاتو ریاست د وړاندیزونو د پرانیستلو خونې (اطاق) ته وسپاري.

 ناوخته رارسېدلي او د انټرنیټ له لارې راغلي آفرونه د منلو وړ نه دي.

د آفر تضمین د بانکي تضمین په بڼه له یو اعتباري بانک څخه (۴۰۰۰۰) څلوېښت زره افغانۍدی او د آفر پرانیستلو غونډه به د 27/10/1403  نېټې پنجشنبې ورځ د سهار په لسو بجو د عامې روغتیا وزارت څلورلارې ته څېرمه، د عامې روغتیا وزارت د تدارکاتو ریاست د افر پرانیستلو په خونه کې ترسره کېږي.