د خوست، پروان، پنجشېر، کندز او ننګرهار ولایتونو په تخصصي روغتونونو کې د تخصص برنامې درېیم پړاو د پرمختګ بهیر وکتل شو

د ټرينر متخصصينو او ټريني ډاکټرانو د ستونزو او د تخصص برنامې د تشو معلومولو په موخه د اکمال تخصص لوی رياست د تخصصي پروګرام د ارزونې ټیمونه د یادو ولایتونو تخصصي روغتونونو ته واستول شول.

یادو ټیمونو د اکمال تخصص پروګرام د معیاري کولو په اړه د دغو تخصصي روغتونونو له رهبرۍ، د تخصص پروګرام له مسؤلینو، د څانګو له مسؤلینو، د څانګو له متخصصینو، ټرينر متخصصینو او ټريني ډاکټرانو سره خبرې وکړې او د تخصص برنامې د معیاري کولو او د اکمال تخصص لوی رياست د موخو ترلاسه کولو په اړه یې بحث او خبرې وکړې.

همداراز، یادو ټیمونو د نصاب د پلي کولو د موضوعاتو پر اهمیت، لکه علمي کنفرانس، Logbook، Bedside teaching، Morning Report، Visit او Case presentation خبرې وکړې؛ ځکه یاد موضوعات د ډاکټرانو د طبي تخصصي پوهې او مسلکي وړتیاوو په لوړولو کې مهم او اساسي رول لري.