د افغانستان اسلامي امارت د عامې روغتیا وزیر، ښاغلي ډاکټر قلندر عباد د دشت برچي ۱۰۰ بستریز روغتون له روغتیايي خدمتونه لیدنه ترسره کړه
د عامې روغتیا وزیر، ښاغلي ډاکټر قلندر عباد د د دشت برچي ۱۰۰ بستریز روغتون له ټولو روغتیايي څانګو څخه د لیدنې ترڅنګ د یاد روغتون کارکوونکو ته د هېوادوالو د ښه خدمت په موخه لازمې سپارښتنې ترسره کړې.
ښاغلي وزیر، له روغتیايي کارکوونکو وغوښتل، چې د ناروغانو د معیاري درملنې په برخه کې بشپړه پاملرنه وکړي.
ښاغلي وزیر، همداراز په هېواد کې د روغتیايي خدمتونو د کیفیت پر ښه والي د ټینګار ترڅنګ وویل، چې موږ په هڅه کې یو؛ تر څو په ټول هېواد کې روغتیايي خدمتونه معیاري او د هېواد ټولو اوسېدونکو ته معیاري روغتیايي خدمتونه وړاندې کړو.
