د ا.ا.ا د عامې روغتیا وزیر، ښاغلي مولوي نور جلال جلالي او د عامې روغتیا وزارت د روغتیایي خدماتو وړاندې کولو مرستیال ښاغلي مولوي عبدالولي حقاني له مل پلاوي سره د کابل ایمرجنسي روغتون څخه لیدنه تر سره کړه
له ایمرجنسي روغتون څخه د لیدنې پر مهال د عامې روغتیا وزیر ښاغلي مولوي نور جلال جلالي او د روغتیايي خدمتونو وړاندې کولو مرستیال ښاغلي مولوي عبدالولي حقاني په روغتون کې د روغتیایي خدماتو او ناروغانو د لیدنې تر څنګ د خیرخانې د تیرې ورځې پیښې ټپي شویو ولسي وګړو د حال او روغتیایي وضعیت پوښتنه وکړه، ښاغلي وزیر د هغوی د روغتیا هیله څرګنده او روغتیایي مسؤولینو ته یې د بشپړې پاملرنې اړوند لازمې سپارښتنې وکړې.
دغه راز، د ایمرجنسي روغتون مسؤلینو او روغتیایي کارکوونکو د عامې روغتیا وزیر ته ډاډ ورکړ، چې د ټپي شویو ولسي وګړو په درملنه کې به له هیڅ ډول هڅو دریغ نه کوي او د هغوی روغتیا ته به بشپړه پاملرنه وکړي.
