د عامې روغتیا وزارت د عدلي طب ریاست په تخنیکي همکارۍ د ختیځ زون د عدلي طب مسؤلینو او ډاکټرانو ته د کتلوي پېښو مدیریت تر سرلیک لاندې ۵ ورځنی ټریننګ پیل شو
د یاد ټریننګ د پرانېستې پر مهال د ننګرهار عامې روغتیا رئیس، مولوي امین الله شریف وویل: (عدلي طب یو مهم او حساس مسلک دی، نو د قضیو د څېړلو پر مهال د ریښتینولۍ اصل په نظر کې نیولو سره له پوره دقت کار واخلئ او خلکو سره په کارونو کې اسانتیا کوئ.)
نوموړي همدارنګه، د ټریننګ برابرولو مسؤلینو څخه یې مننه وکړه او هیله یې وښوده، چې په دې ټریننګ سره به ګډونوال د کتلوي پېښو د مدیریت مهارتونه زده او په نویو موضوعاتو به پوه شي.
