د عامې روغتیا وزارت د څارنې او پلټنې لوی ریاست کې د ګډ نظارت د کړنو، ستونزو، ننګونو، لاسته راوړنو او راتلونکي پلان په اړه ناسته ترسره شوه

په دې ناسته کې چې موخه یې د نظارت پروسې لا پیاوړتیا او راتلونکي پلانونه په شفافه او اغېزمنه توګه پر مخ وړل او تطبیق کول وو، په کې د عامې روغتیا وزارت د څارنې او پلټنې لوی رئیس ډاکټر عنایت الله عنایت، د روغتیایي تاسیساتو د پلټنې رئیس مولوی محمودالله زاهد، د خصوصي سکتور د تنظیم او همغږۍ رئیس ډاکټر احمد خندان او د تخنیکي ټیم غړو شتون درلود.

په یاده ناسته کې ګډونوالو د ګډ نظارت د کړنو، ستونزو، ننګونو، لاسته راوړنو، د نظارت پروسې د لا پیاوړتیا او د راتلونکي پلان د شفاف او اغېزمن تطبیق په اړه معلومات، تجربې، وړاندېزونه او خپل ارزښتناک نظرونه شریک کړل؛ څو نظارتي چارې لا اغېزمنې او روغتیایي قوانین په سمه توګه پلي شي.