خوست ولایت کې د خصوصي روغتیايي سکتور، د خوراکي توکو پلورنځیو او تولیدي فابریکو څخه نظارت ترسره شو
یاد نظارت د تېرې یوې میاشتې په ترڅ کې د عامې روغتیا ریاست د مسؤلینو له لوري د خصوصي روغتیايي سکتور، د خوراکي توکو پلورنځیو او تولیدي فابریکو څخه تر سره شو، چې په کې ۳۷۹ خصوصي روغتیايي مرکزونه، د خوراکي توکو پلورنځي او تولیدي فابریکې شاملې وې، چې پایله کې یې ۴۶۶۱ کیلوګرامه له نېټې تېر درمل او خوراکي توکي راټول او د له منځه وړلو په موخه مرکزي ګدام ته ولېږدول شول.
همدارنګه، د دې نظارت په ترڅ کې ټولټال ۱۵۰ تأسیسات وتړل شول، چې له ډلې یې تولیدي فابریکې د بې کیفیته موادو تولید له امله، خصوصي روغتیايي تأسیسات د جواز نه لرلو له کبله او د خوراکي توکو پلورنځي د لوړو بیو له امله تړل شوي دي.
