د کابل ملي او تخصصي روغتون د بیا رغولو برخه کې د چارو پرمختګ او اصلاحاتو په موخه ناسته ترسره شوه
یاده ناسته د عامې روغتیا وزارت روغتیايي خدمتونو وړاندې کولو مرستیال، ښاغلي مولوي عبدالولي حقاني په مشرۍ د کابل ملي او تخصصي روغتون د بیا رغولو برخې تخنیکي ټیم غړو سره ترسره شوه، چې په کې د رغنیزو چارو د پرمختګ او اصلاحاتو اړوند بحث او خبرې ترسره شوې.
د روغتیايي خدمتونو وړاندې کولو مرستیال د تخنیکي ټیم غړو له فعالیتونو د مننې سربېره هغوی ته د چارو لا ښه والي او همغږۍ په موخه لازمي سپارښتنې وکړې.
بل لور د تخنیکي کمېټې غړو ژمنه وکړه، چې د کاري لایحو اړوند به خپلې سپارل شوې چارې په ټاکلي وخت او سمه توګه پرمخ وړي.
