د عامې روغتیا وزارت له لوري د بدخشان ولایت د روغتیايي ستونزو د حل په اړه دوه ورځنی ورکشاپ پیل شو
دغه ورکشاپ نن دوشنبه ۱۴۴۴/۸/۶ د عامې روغتیا وزارت د پلان او پالیسۍ معین، ښاغلي ډاکټر محمد حسن غیاثي، د اقتصاد او تمویل صحت رئیس، ښاغلي ډاکټر سید رسول منګل، د پلان او پالیسۍ رئیس، ښاغلي میرویس احمدزي د بدخشان ولایت د عامې روغتیا رئیس ښاغلي عتیق الله په شتون کې پیل شو.
دغه ورکشاپ چې دوه ورځې به دوام ولري د عامې روغتیا وزارت مسئولینو، د روغتیا نړیوال سازمان او د روغتیايي خدماتو تطبیق کوونکو موسساتو استازي به د بدخشان ولایت پر روغتیايي ستونزو، حل لارو، روغتیايي خدماتو ښه والي او په سپینو ساحاتو کې د روغتیايي مراکزو پر جوړونه بحث او خبرې وکړي.
