په فاریاب ولایت کې څه باندې شپږ ټنه خوراکي توکي راټول او له منځه يوړل شول
شنبه، ورى ١٤٠١/٢٧
د فارياب د عامې روغتيا رياست خبر ورکوي، چې په دغه ولايت کې يې څه باندې شپږ ټنه تاريخ تېر خوراکي توکي راټول او له منځه وړي دي.
د فارياب د عامې روغتيا رياست چارواکي وايي، چې ددغه رياست د کلني پلان له مخې به د (عامې روغتيا، چاپېريال ساتنې رياست، ولايتي مسوولينو، استخباراتو رياست ، ښاروالۍ او څارنوالۍ ) په ګډون د يوه بورد تر چتر لاندې به تاريخ تير شوي خوراکي توکو د راټولولو کمپاين پيل کړي.
په دغه کمپاین کې ۴۱۰ قلمه تاريخ تير شوي خوراکي توکي چې وزن یې له شپږ ټنو څخه زیات وو، له سوپر مارکیټونو، خوراکي توکو پلورنځیو، پرچون پلورنځیو او عمده پلورنځیو څخه راټول او د یادې کمېټې تر څارنې لاندې له منځه يوړل شول.
