د ۲۰ تنو روغتیايي کارکوونکو لپاره د اساسي بېړنۍ پاملرنې پنځه ورځنۍ روزنه ترسره شوه
د عامې روغتیا وزارت د ظرفیت لوړونې ریاست له لوري د روغتیا برخې ۲۰ تنو مسلکي کارکوونکو ته د اساسي بېړنۍ پاملرنې «Basic Emergency Care (BEC)» پنځه ورځنۍ روزنه ورکړل شوه
دغه روزنيز پروګرام د سره صلیب د نړیوالې کمېټې (ICRC) په مالي ملاتړ د بغلان، جوزجان، کندز، زابل، کونړ، کابل، ارزګان، هلمند او کندهار ولایتونو د روغتیايي کارکوونکو لپاره جوړ شوی و، چې موخه يې د ګډونوالو د مسلکي وړتیاوو لوړول، د کاري مهارتونو پیاوړتیا او د روغتیايي خدمتونو د کیفی ښه والی دی.
