په خوست، لغمان او بلخ ولایتونو کې له خصوصي روغتیایي سکتور، د خوراکي توکو پلورنځیو او هوټلونو څخه نظارت ترسره شو
دغه نظارت د یادو ولایتونو د عامې روغتیا مسؤلینو له لوري د روغتیایي قوانینو تطبیق او د خلکو روغتیا خوندیتوب په موخه ترسره شو، چې پایله کې یې ۶ درملتونونه په خوست ولایت کې، ۲ درملتونونه او ۲ روغتیایي کتنځایونه په بلخ ولایت کې له روغتیایي قوانینو څخه د سر غړونې له امله وتړل شول.
همدارنګه، خوست ولایت کې ۴۵ کیلو ګرامه له نېټې تېر درمل او خوراکي توکي راټول او د له منځه وړلو په موخه مرکزي زیرمتون ته ولېږدول شول.
