ننگرهار ولایت کې ۶۵۵ اړمنو او ماشوم لرونکو میندو ته کمپلې او ترپالونه ووېشل شول
د ننگرهار ولایت په مهمندرې ولسوالۍ کې د UNFPA نړیوالې ادارې په مالي ملاتړ ۶۵۵ تنه اړمنو او ماشوم لرونکو میندو ته یو شمېر کمپلې او ترپالونه ووېشل شول.
دغه بشري مرستې د ننگرهار عامې روغتیا ریاست د مهمندرې ولسوالۍ د روغتیايي مسؤل، ډاکټر شاه محمود هجرت په همغږۍ ترسره شوې دي، چې موخه یې د ژمي په موسم کې د میندو او ماشومانو ساتنه او له موسمي ناروغیو څخه د هغوی مخنیوی دی.
همدارنګه، د عامې روغتیا ریاست مسؤلینو وویل، چې د ورته مرستو دوام د میندو او ماشومانو د ژوند د وضعیت په ښه والي کې مهم رول لوبوي.
