له پاکستان هېواد څخه د درملو وارداتو د منع کولو طرحې اغېزمن تطبیق او همغږۍ په موخه ناسته ترسره شو
دغه ناسته د عامې روغتیا وزارت د خوړو او درملو معینیت تر چتر لاندې، د درملیزو خدماتو، درملیزو تاسیساتو ته د جواز ورکولو او د اسنادو د تحلیل او فعالیتونو د تنظیم ریاستونو مسؤلینو په شتون کې ترسره شوه.
په دې ناسته کې پر بدیلو لارو چارو ټینګار وشو، چې په کې د کورني بازار ارزونه، د موجوده زېرمو مدیریت، له معتبرو هېوادونو څخه د وارداتو اسانتیاوې او د تخنیکي ناستو جوړول شامل دي، تر څو د درملو عرضه له خنډ سره مخ نه شي او باکیفیته، مصؤن او معیاري درملو ته د خلکو لاسرسی تضمین شي.
د یادو ریاستونو مسؤلینو ټینګار وکړ، چې دا طرحه باید ګام په ګام او سنجول شوي ډول عملي شي، ترڅو د درملو خدمات ګډوډ نه او عامه ګټې خوندي پاتې شي.
