د کندز ولایت د روږدو درملنې ۸۰ بستریز روغتون څخه ۲۰ تنه روږدي ناروغان له بشپړې درملنې وروسته خپلو کورنيو ته وسپارل شول
دغه کسان د درملنې دورې له بشپړېدو وروسته د ياد روغتون د رهبرۍ هیئت او روغتيايي کارکوونکو په شتون کې خپلو کورنیو ته وسپارل شول.
په همدې موخه جوړه شوې غونډه کې د کندز ولایت د روږدو درملنې ۸۰ بستریز روغتون آمر د اعتیاد پرېښودو، د ارادې اهمیت، د ناروغانو په ملاتړ کې د کورنيو رول، د درملنې برخه کې د لاسته راوړنو د ساتنې او په ټولنه کې د بیا ادغام پر اړتيا خبرې وکړې او د يادو ۲۰ تنو روغتیا ترلاسه کول یې د ټولنیزو زیانونو د کمولو په لاره کې یو اغېزمن ګام وباله.
