د پوهاند غضنفر روغتیایي علومو انسټیټیوټ په تالار کې د Polymerase Chain Reaction (PCR) علمي کنفرانس ترسره شو
دغه کنفرانس د PCR ټکنالوژۍ د علمي، څېړنیزو او عملي اړخونو د ارزولو لپاره د پوهاند غضنفر روغتیایي علومو انسټيټیوټ د طبي ټکنالوژۍ څانګې له لوري ترسره شو، چې موخې یې د مالیکولي بیولوژۍ د یوې بنسټیزې وسیلې په توګه د PCR اهمیت روښانه کول، د دې ټکنالوژۍ علمي، څېړنیزو او عملي اړخونو څېړل، د ناروغیو د تشخیص او درمل جوړونې برخو کې د PCR ټکنالوژۍ د کارونې ارزونه او پرې سم پوهاوی او د ګډونوالو د مسلکي پوهې او مهارتونو لوړول دي.
په یاد کنفرانس کې ګډونوالو ته د PCR اصولو او تاریخچې، Real-Time PCR او د هغه د ګټو، د PCR په مرسته د ناروغیو تشخیص او په بیولوژیکي څېړنو کې PCR کارونې په اړه بېلابېلې مقالې وړاندې او د کنفرانس پایله له ګډونوالو سره شریکه شوه.
د پوهاند غضنفر روغتیایي علومو انسټیټیوټ رئیس دوکتور محمد قاسم عادل د ګډونوالو له فعال ګډون څخه مننه وکړه، یاد کنفرانس یې مهم او د عامې روعتیا وزارت لپاره یوه لاسته راوړنه وبلله.
