د پوهاند غضنفر روغتیايي علومو انسټېټیوټ د مشرتابه او مسؤلینو ترمنځ اداري ناسته ترسره شوه
په دې ناسته کې د یاد انسټېټیوټ رئیس ډاکټر محمد قاسم عادل، علمي او تدریسي آمر ډاکټر عبدالستار جبارزي، د ولایاتو علمي او تخنیکي آمر ډاکټر محمد اصف شهیدي، مالي او اداري آمر بریال عصمتي او د ناروې کمېټې له لوري د انسټېټیوټ ستر سلاکار ډاکټر میراغا ګلابزي ګډون درلود.
یاده ناسته کې د سنتي طب ډیپارټمنټ د تشکیل جوړولو، د مصنوعي اندامونو (پروستیتیک او اورتوتیک) درې کلن ازمایښتي پروګرام د فعالولو، د ۱۴۰۵ کال لپاره د ICU تخصصي نرسنګ د تشکیل جوړولو، ولایتي سفرونو، په عمومي تشکیل د بیاکتنې، د لیلیو او اداري څانګو لپاره د اوبو پاکولو ماشینونو نصبولو او د ۱۴۰۵ کال لپاره د مرکز او ولایتي محصلانو د جذب پر موضوعاتو هر اړخیز بحث او خبرې تر سره شوې.
دغه ناسته کې پرېکړه وشوه، چې اړوند آمریتونه دې ذکر شوي موضوعات د عامې روغتیا وزارت له محترم مقام سره شریک کړي او د عملي کېدو لپاره دې لازم اقدامات ترسره کړي.
