د عامې روغتیا وزیر د خاص کونړ په ځانګړي روغتیایي مرکز کې د زلزلهځپلو د خدماتو بهیر وڅېړه
د عامې روغتیا وزیر، ښاغلي مولوي نور جلال جلالي او مل پلاوي د کونړ ولایت د خاص کونړ ولسوالۍ په نظامي قرارګاه کې د تېر زلزلې له امله زیانمنو شویو ته د وړاندې کېدونکو خدماتو له ځانګړي روغتیایي مرکز څخه لیدنه وکړه
په یاده لیدنه کې د عامې روغتیا ښاغلي وزیر د روغتیایي خدمتونو د وړاندې کولو او د مرستو د وېش بهیر ارزونه وکړه او اړوندو مسؤلینو ته یې د ورسپارل شویو مسؤلیتونو د غوره او پر وخت ترسراوي سپارښتنې وکړې؛ ترڅو د زلزله ځپلو ستونزو ته پر وخت رسېدنه ترسره او اړتیاوې یې پوره شي.
