د عامې روغتیا وزارت مرستیال په بلخ کې د روغتیايي خدماتو د کیفیت او څارنې پر پیاوړتیا ټینګار وکړ
د عامې روغتیا وزارت د خواړو او درملو مرستیال، ښاغلي مولوي حمدالله زاهد بلخ ته د سفر په ترڅ کې د یاد ولایت د عامې روغتيا رياست د څارنې، پلټنې او خوړو او درملو مسؤلینو سره لیدنه وکړه
د یادې لیدنې پر مهال د خوړو او درملو مرستیال د عامې روغتیا وزارت د قوانینو او اصولو پر جدي پلي کېدو، د څارنې او پلټنې بهیر پر پیاوړتیا، د قانون پر تطبیق او د روغتیايي خدمتونو د کیفیت پر لوړولو ټینګار وکړ او ویې ویل؛ اړینه ده، چې په روغتیا برخه کې ژر تر ژره هېوادوالو ته ګټور، معیاري او غوره روغتیايي خدمات وړاندې شي.
