د عامې روغتیا وزارت د چاپیریال روغتیا ریاست له لوري د کابل ولایت په بېلابېلو سیمو کې د کانګو ناروغۍ مخنیوي په موخه د عامه پوهاوي پروګرامونه ترسره شول
یاد پروګرامونه چې موخه یې د کانګو ناروغۍ مخنیوی دی، په ترڅ کې یې قصابانو، د څارویو پلورونکو او عامه خلکو ته د عامه پوهاوي په موخه ګڼ شمېر معلوماتي پوسټرونو وویشل شول او هم پر بېلابېلو ځایونو نصب شول.
په دې پروګرامونو کې د کنو او حیواناتو له لارې د یادې ناروغۍ د لېږد مخنیوي، د څارویو د حلالې پر مهال د دستکشو کارونې او یو شمېر نورو اړینو معلوماتو په اړه عامه پوهاوی ترسره شو.
د چاپیریال روغتیا ریاست مسؤلین ټینګار کوي، چې د دغو پروګرامونو موخه د کانګو ناروغۍ د لېږد مخنیوی، د خطر سره مخ خلکو ساتنه او د دې خطرناکې او ناوړه ناروغۍ له امله د مړینې کچه راکمول دي.
