د عامې روغتیا وزارت د نظارت رئیس ډاکټر کریم الله حلیمي د پروان ولایت د عامې روغتیا له رئیس ډاکټر نیاز محمد مخلص سره لیدنه وکړه
په دې لیدنه کې ډاکټر کریم الله حلیمي پروان ولایت ته د خپل سفر موخه تشریح کړه او همدارنګه یې د یاد ولایت په مرکز چاریکار او یو شمېر ولسوالیو کې له روغتیایي مرکزونو څخه نظارت ترسره کړ، چې پایله کې په ځینو روغتیایي مرکزونو کې یو لړ ستونزې هم په نښه شوې.
همدارنګه، پروان ولایت کې د تطبیقوونکې مؤسسې (SAF) مسؤل ډاکټر محمد صالح په نښه شوې ستونزې مهمې وبللې او ژمنه یې وکړه، چې د حل لپاره به یې جدي او عملي اقدامات ترسره کړي.
همداراز، د پروان ولایت د عامې روغتیا رئیس ډاکټر نیاز محمد مخلص د عامې روغتیا وزارت د نظارت له کارکوونکو څخه مننه وکړه او دغه ډول نظارتونه یې د اساسي او ضروري روغتیایي خدمتونو د کیفیت ښه والي لپاره مهم وبلل.
