د روغتیايي خدمتونو وړاندې کولو مرستیال د طبي اکسیجن د پراختیا لپاره د همکارانو په دوه ورځني ورکشاپ کې ګډون وکړ
د افغانستان اسلامي امارت د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني د طبي اکسیجن د پراختیا لپاره د همکارانو په دوه ورځني ورکشاپ کې ګډون وکړ.
د عامې روغتیا وزارت د روغتیایي خدمتونو وړاندې کولو مرستیال، ښاغلي مولوي عبدالولي حقاني د یاد ورکشاپ پرانیسته کې د دې پروګرام په جوړېدو د خوښۍ څرګندولو تر څنګ روغتیايي برخه کې د اکسیجن پر اهمیت خبرې وکړې او زیاته یې کړه: " طبي اکسیجن په بېړنیو حالاتو او روغتیايي خدمتونو کې د ژوند ژغورنې لپاره اړین درمل دي چې هېڅ بدیل یې نشته ".
ښاغلي، حقاني د طبي اکسیجن برخې پیاوړتیا لپاره د روغتیایي شریکانو همکاري او ګډې هڅې اړینې وبللې او هیله یې څرګنده کړه، چې د دغه ورکشاپ له لارې به افغانستان کې د اکسیجن ایکو سیستم پیاوړتیا لپاره یوه واحده ستراتیژي جوړه شي.
دغه دوه ورځنی ورکشاپ چې د روغتیا نړیوال سازمان په همکارۍ جوړ شوی و، موخه یې د روغتیايي شریکانو راټولول او ورسره په ګډه افغانستان کې د اکسیجن سیستم د پراختیا لپاره د پلان جوړول دي.
