د بغلان ولایتي روغتون څخه لیدنه ترسره شوه
د بغلان ولایتي روغتون څخه لیدنه ترسره شوه:
د عامې روغتیا وزارت مالي او اداري معین ښاغلي مولوي محمد اسحق صاحبزاده د خپل ولایتي سفرونو په لړ کې دا ځل د بغلان له ولایتي روغتون څخه لیدنه ترسره کړه
ښاغلي مولوي محمد اسحق صاحبزاده او ورسره مل پلاوي یې د بغلان ولایتي روغتون له مختلفو څانګو څخه لیدنه ترسره کړه او د روغتیايي کارکوونکو کارونه یې له نېږدې ولیدل.
همدارنګه ښاغلي مولوي صاحبزاده په بغلان ولایتي روغتون کې د بستر ناروغانو سره ولیدل، ستونزې یې ورته واورېدې او د حل په موخه یې مسوولینو ته لازمې سپارښتنې ترسره کړې.
د بغلان ولايت څخه د ليدنې په ترڅ کې د ولايتي روغتون مراجعينو ته د تشنابونو د نه شتون له کبله د لس تشنابونو د کار د پيل او د عمليات خونې د معياري کولو تر څنګ د انستيزې برخې ډاکټرانو د ظرفيت لوړونې لپاره مرکز ته ليږلو امر وشو.
