د ایران په کوربه توب د G5 هېوادونو په ۲۸ مه غونډه کې د افغانستان اسلامي امارت د عامې روغتيا وزارت استازو ګډون وکړ
یاده غونډه چې د ایران په مرکز تهران ښار کې جوړه شوې وه، د افغانستان، ایران، عراق، پاکستان، تاجکستان او د روغتیا نړیوال سازمان استازو په کې ګډون درلود.
د افغانستان له لوري استازو په اوسني وخت کې د میندو روغتیا، ځوان نفوس ته وده ورکول، د کورني رواني او روحي روغتیا په اړه د غونډې ګډونوالو ته وینا ترسره کړه.
همداراز د افغانستان له لوري د G5 استازو، په سیمه کې د روغتیایي شاخصونو د ښه کولو لپاره د G5 هېوادونو ترمنځ د همکارۍ په اهمیت ټینګار وکړ او زیاته یې کړه، چې د G5 ملګرتیا د سیمه ایزو تجربو د تبادلې، څارنې، ساري ناروغیو خپرېدو او له امله یې رامنځته شوو ناورینونو ته د ځواب ویلو لپاره غوره پلیټ فارم دی.
