د اکمال تخصص لوی ریاست د اکاډمیکو چارو د همغږۍ ریاست د بهرنیو اسنادو د ارزونې کمېټې غونډه ترسره شوه
دا غونډه د اکمال تخصص لوی رئیس ډاکټر نثار احمد نیازي په مشرۍ د یاد ریاست په دفتر کې د بهرنیو اسنادو د ارزونې کمېټې غړو او د اکاډمیکو چارو د همغږۍ ریاست مسؤلینو په شتون کې ترسره شوه
د دې غونډې موخه د بهرنیو اسنادو د ارزونې د طریقې، د بهرنیو اسنادو د ارزونې لپاره د لارښوونو د بډاینې او د هغو ډاکټرانو د علمي کچې معلومول وو، چې په بهر کې زده کړې کړي دي، چې په اړه یې هر اړخیز بحث تر سره شو ؛ ترڅو د دوی اسناد په معیاري ډول وارزول شي او مجربو او وړ ډاکټرانو ته د اصولو سره سم د معیاري او تخصصي روغتیايي خدمتونو وړاندې کولو په موخه د فعالیت اجازه ورکړل شي.
په دې غونډه کې همداراز پرېکړه وشوه، هغه ډاکټران چې د تخصص روزنیز اسناد لري، د وروستي ځل لپاره دې ترې په استثنایي ډول د علمي کچې معلومولو کلنۍ ازموینه واخیستل شي.
