د اکمال تخصص عمومي ریاست عملیاتي رئیس او ورسره مل پلاوي د خوست ولایتي روغتون څخه لیدنه ترسره کړه
د ولایتي تخصصي روغتونونو څخه د پرلپسې نظارتونو په لړ کې چې موخه یې په تخصصي برنامو کې ستونزو ته رسېدنه، په روغتونونو کې د یادې برنامې د ځانګړي کریکولم پلي کول او د تخصصي برنامو بډایه کول دي، دا ځل د عامې روغتیا وزارت د اکمال تخصص عمومي ریاست عملیاتي رئیس او ورسره مل پلاوي د خوست ولایتي روغتون څخه لیدنه ترسره کړه
یاد پلاوي دغه روغتون کې د عمومي جراحي، نسائی ولادي، ماشومانو داخلې، لابراتوار او یو شمېر نورو څانګو څخه لیدنه ترسره کړه.
د یادې لیدنې موخه د اکمال تخصص برنامې معیاري کول او په دې برنامه کې شته ستونزو ته رسېدنه ده؛ ترڅو د اکمال تخصص برنامې د معیاري کولو او ټولنې ته د روزل شویو متخصصینو په وړاندې کولو سره هېوادوالو ته معیاري روغتیايي خدمات وړاندې شي.
