د اماراتو د سرې میاشتې ټولنې له لوري د ننګرهار عامې روغتیا ریاست ته د درملو مرسته
د متحده عربي اماراتو هېواد سرې میاشتې ټولنې په هېواد کې د وروستۍ زلزلې له امله د ټپي شویو ستونزو ته د رسېدنې په موخه د ننګرهار عامې روغتیا ریاست سره د ۹۳۸ کارتنه درملو مرسته وکړه
دا مرسته چې ۱۲۷ قلمه ده، د عربي اماراتو د سفارت استازو له لوري د ننګرهار د عامې روغتیا رئیس، مولوي امین الله شریف ته وسپارل شوه
د دې مرستې موخه د هغه ټپیانو ستونزو ته رسېدنه ده، چې د ننګرهار سیمه ییز روغتون او یا نورو روغتیايي مرکزونو کې بستر دي او یا مراجعه کوي.
د ننګرهار د عامې روغتیا رئیس، د یادې مرستې په موخه مننه وکړه او د اړینو طبي تجهیزاتو برخه کې یې د لا مرستې غوښتنه وکړه.
